قصه حب ابكت العالم

قصه حب ابكت العالم كله

القصة دى كانت فى اليابان لولد وبنت كانو بيعشقو بعض عشق رهيب
والاتنين كانو بيشتغلو فى استوديو لتحميض الصور
فى البداية كان الولد والبنت بيحبو بعض جدا ودايما بيخرجو مع بعض للحدائق العامة وكانت الحدائق دى بالنسبة ليهم هى الملجأ اللى بيستريحو فيه من عناء العمل المرهق فى الاستوديو
وكانو بيعيشو حالة حب وغرام باجمل صورة
مبيفرقهمش عن بعض الا النوم
وكانو دايما بياخدو لبعض صور فى الاستوديو لذكرى حبهم
وفى يوم من الايام راح الشاب يحمض صور فى الاستوديو وخلص تحميض وقبل ما يخرج رتب كل شىء فى مكانه من اوراق ومواد كيماوية لان حبيبته مكنتش معاه لانها كانت مرتبطة بموعد مع امها
وفى اليوم التالى راحت البنت للعمل فى الاستوديو فى الصباح الباكر وكانت بتحمض صور
ولسوء الحظ اخطأ حبيبها بالامس وحط الحامض الكيميائى فى مكان غير امن
وحدث مالم يكن بالحسبان
كانت الفتاة بتشتغل ورفعت راسها عشات تاخد بعض الحوامض الكيميائية وفجأة وقع الحامض على عيونها وجبهتها فاتى كل اللى فى المحل وودوها على المستشفى وبلغو صديقها باللى حصل
عرف صديقها ان الحامض اللى وقع على وشها هو اشد الاحماض قوة
عرف صديها انها هتفقد بصرها
للأسف قطع كل الصور اللى بتفكره بيها وخرج من المحل من غير ما حد من اصدقائه يعرف سر المعاملة القاسية دى
راح اصدقاؤه للمستشفى عشان يطمنو على البنت لقوها فى احسن حال
وعيونها بتشوف بيهم عادى
وجبهتها اتعمل ليها عملية تجميل وعادت كما كانت متميزة بجمالها الساحر
خرجت من المستشفى وبصت للاستوديو والدموع مالية عينيها من اللى شافته من الحبيب الغير مخلص اللى سابها فى اعز الاحتياج له
دورت عليه لكن ملقتوش فى بيته لكنها كانت عارفة مكان بيروحه دايما ... قالت فى نفسها هروح ممكن الاقيه هناك
وبالفعل راحت لقته قاعد على كرسى فى حديقة مليانة اشجار
كانت بتفكر تروح تكلمه فوقفت ادامه وكانت بتبكى اوى
لكنه مكنش مهتم بيها خالص ولا حتى بيبصلها
عارفين ليه؟
لانه بقى اعمى
مشفهاش لانه اعمى
عرفت البنت كده بعد ماقام وهو متكأ على عصاية بيمشى بيها عشان ميقعش
عارفين اتعمى ليه؟؟؟؟؟؟؟؟؟؟؟
لما وقع الحامض على عيون البنت وهو قطع الصور اللى كانت بتجمعهم ببعض
راح المستشفى للدكتور وساله عن حبيبته ... الدكتور قاله انها مش هتشوف تانى
عارفين عمل ايه؟
اتبرع ليها بعينيه وفضل انه يعيش اعمى وهى تشوف وتكمل حياتها مع واحد تانى
اتعمل عملية ليهم هم الاتنين اتنقلت فيها عينيه ليها
لما البنت عرفت كده وقعت على الارض
وكانت الدموع تنزف من عيونها بدون توقف
ومشى صديقها من ادامها وهو ميعرفش مين اللى بتبكى عشانه دى ومشى من طريق وهى مشت من طريق تانى

تتوقعو يكون فى حب للدرجادى؟
ممكن الحب يخلى انسان يعمل اللى الولد ده عمله؟
حتى لو هو هيضحى ... مظنش انه يضحى باغلى حاجة عنده "نور عينيه"